Sundag skal vi vere med og markere at Sogn og Fjordane fylke er 250 år. Det blir mykje liv og leven mellom kl 12.00 og 19.00. Sjå www.framtidsfylket.no for meir info.

Me har med vellagra Kvit Undredal opp til eitt år gamal, og så tar me med litt av årets første kvitost frå februar. Brunost blir det i alle variantar.

På bildet ser de den nye ystaren vår, Andreas, i arbeid.

Me blir å finne på Bondens Marked på Torget i Bergen dagen etter. Den lange finværsperioden går visst mot slutten, men me tar med takrenner, bardunar og plastkanner med vatn, så det skal nok gå bra.

Last ned Oppskrift med årets ost (pdf 1,1mb)

Til helga pakkar me bilen og køyrer over fjellet, og laurdag finn de oss på torget i mathallen Vulkan i Oslo. Me har med oss Brun Undredal og vellagra og mellomlagra Kvit Undredal. Det blir spennande å sjå om nokon stoppar ved boden vår i mylderet av godsaker i den flotte mathallen. Opningstida er 10.00-18.00.

Bergen Matfestival på Bryggen

Nokre trufaste kundar har lurt på kvifor me ikkje var med på årets første Bondens Marked i Bergen. Forklaringa er at først måtte geitene få killingar, slik at mjølkeproduksjonen kom i gang. Så kunne me begynne å køyre mjølk til ysteriet, som ligg 2,5 km oppe i dalen. Første brimostane vart pynta same dag som Bondens Marked gjekk av stabelen, så det var ikkje mogleg å stille i Bergen. Men komande laurdag, 23. februar, skal me vere på plass på torget. Me kjem til å ha med oss Brun Undredal og Kvit Undredal, mellomlagra og vellagra. Ein Sognakvitost blir med til vår faste sognakunde. Alle som bur for langt unna, eller skulle ha fyllt opp lagra i butikken sin, kan vende seg til underdalsbui@visitundredal.no, så får dei tilsendt Kvit og Brun Undredal.

Då gler me oss til ein ny sesong med god mat og hyggeleg prat. Helsing oss på Undredal Stølsysteri SA

Vellagret Kvit Undredal er kåret til årets ost. Sammen med stavkirken holder den liv i bygda. Til uka skal osten vises fram i Berlin.

Me er glade og stolte over hederen, og me takkar alle som har sendt oss helsingar i samband med prisen. Kvardagen for ein geitebonde på vestlandet er lite glamorøs, og gull er definitivt ikkje det metallet me har mest kontakt med. No har me feira prisen med champagne, ostevannbakkels (med vellagra Kvit Undredal) og kinesiske lykter. Me har til og med oppretta vår eiga facebookside, slik at det skal bli lettare å følge oss.  Send oss gjerne spørsmål og tilbakemeldingar!

Viss du lurer på kvar du får tak i Undredalsost, så kan du sjå på “Bestill og kjøp”. Me vil snart legge ut oversikt over alle marknader me skal delta på det komande året. Veit du om ein butikk eller restaurant som sel/serverer osten vår? Send oss ei melding, og me vil legge det ut.

Då var det tilbake til fjøsen for å ta imot nye killingar!

Me på Undredal Stølsysteri SA ønskjer kundar og kollegaer og alle som liker ost god jul og godt nytt år!

Sist laurdag debuterte Bondens Marked Bergen på Torget. Det var veldig hyggeleg, men dessverre var det ikkje alle som fekk brunost med seg heim. I desember er det marknad på Torget både 7.-8. og 15. desember. Me på ysteriet lovar å ha med nok ost av alle sortar, slik at alle får ost til jul!