logo Undredal Stølsysteri

– Ysteriet midt i verdsarven

Nyhende

Nam nam!

Når det regnar på presten så dryp det på klokkaren, og når bonden køyrer silo så får geitene pressaft.

Det er ikkje lett å få tørka høy i det skiftande vêret me har om dagen. Då er det godt å ha silo som alternativ. Geitene elskar silopressaft, så her kjem alle ressursane til nytte, nett som i mjølka vår: Kaseinet blir til kvitost og mysa blir til brunost og ingen ting går til spille!

Då var 2019 i gang!

– og i fjøsen tittar det fram nye killingar alt i eitt. Det er moro å turne på mamma. Me har lagt ut marknadsoversikten under Bestill og kjøp. NB: planane kan endre seg, så følg med!

Eit under

Kvar dag er me vitne til eit under når den tyntflytande gulkvite mysa me tappar over i kjelen ila nokre timars koking blir til herlig, velsmakande brimost. Mjølk, altså!

Godt nytt år!

Me ønskjer alle osteelskarar godt nytt år med den unge garde i årets raudaste og varmaste julegåve: Huene frå storesyster Tine. 

Like før!

Siste marknad før jul blir Bondens Marked på Vågsalmenning i Bergen laurdag 16. desember. Me har leita i dei innerste krokane og tar med alt me har funne av Brun Undredal. No blir det ikkje meir å få kjøpt av oss før produksjonen startar att i februar 2018. Kvitost i ein eller annan mogningsgrad har me alltid på lager.

Me vil takke alle kundar, store og små, kvite og brune, for i år. God jul og velkomen att på nyåret!

Mjølking i verdsarven

Slik kan det sjå ut for budeia når ho skal hente dei siste geitene inn til mjølking.

Pillefantane

Før me kan sleppe pillefantane (killingane) ut langs fjorden på sommarbeite må me vere sikre på at dei «kjem på kadl», slik at me får sett til dei i løpet av sommaren. Her ser de dei skyraste (reddaste) av pillefantane våre. Dei treng tid og ro for å bli tye (tillitsfulle). Kraftfor, kos, klapp og klem er ein god metode.

Sommarmat

Me har ein ambassadør i Sverige. Han har sendt oss dette flotte bildet av ein rett med Undredalsost og mykje anna godt. Her er oppskrifta:

Kvit Undredal mellomlagra i tynne skiver, spekeskinke, flatbrød, halve løkringer, sylteagurk i små terninger, tynne flak av issalat, og tyttebærsyltetøy. Champagne!!

Liten luftetur

Geitene som vart fødde i vår er no blitt store, fine honer. Dei samlar krefter til kjeing i januar. Det er OK å vere inne i fjøsen, men det er no godt å komme ut og springe i bakkane og!

Ein vanleg dag på jobben

Rekk opp handa, alle som har ein slik veg til jobben! I dag har me vore i Morki i Nærøyfjorden, indrefileten av verdsarven Vestlandsk Fjordlandskap, for å prøve å få med oss nokre bukkar og killingar heim for vinteren. Ikkje tale om! Dei sto langt oppi brattaste lia og mekra til oss, men dei valde å bli der dei var.p1150054Me valde å la dei bli. Det kjem fleire sundagar!