logo Undredal Stølsysteri

– Ysteriet midt i verdsarven

Undredals Stølsysteri, geitene på beite

Velkomen til Undredal Stølsysteri

– ysteriet midt i verdsarven

I Undredal er det å lage ost uløyseleg knytt til bygda sin identitet. Så langt attende vi kan spore og fram til i dag har det utan opphald blitt laga ost av eiga mjølk.

Dei tre familiane som står bak nyskapinga Undredal Stølsysteri BA har losa denne stolte tradisjonen over i det moderne matlandskapet. Som det første geitostysteriet i Noreg har vi full autorisasjon for produksjon og sal i heile Europa av kvit og brun ost. Og dette utan å måtte frårøve mjølka hennar beste kvalitetar gjennom pasteurisering. Dette gjer at vi som lokalt ysteri også kan rekne oss som del av ein stolt europeisk tradisjon, der kvalitet ikkje berre er relatert til tekniske kriteria, men til dyrehelse, jordsmonn, planteval og beitelandskapet.

Nyhende

Godt nytt år!

Me ønskjer alle osteelskarar godt nytt år med den unge garde i årets raudaste og varmaste julegåve: Huene frå storesyster Tine. 

Like før!

Siste marknad før jul blir Bondens Marked på Vågsalmenning i Bergen laurdag 16. desember. Me har leita i dei innerste krokane og tar med alt me har funne av Brun Undredal. No blir det ikkje meir å få kjøpt av oss før produksjonen startar att i februar 2018. Kvitost i ein eller annan mogningsgrad har me alltid på lager.

Me vil takke alle kundar, store og små, kvite og brune, for i år. God jul og velkomen att på nyåret!

Næraste marknader

MndDatoStadMarknad
FebruarLaurdag 24.Bergen, TorgetBondens Marked
MarsLaurdag 10.Bergen, TorgetBondens Marked
MarsLaurdag 24.Bergen, TorgetBondens Marked

Oversikt over alle marknader og utsalsstader finst her.

Dersom de ynskjer kontakt med oss på ysteriet, så send ein e-post til geitost@online.no. Ynskjer de å bestille ost, så send ein e-post til underdalsbui@visitundredal.no, eller ring 5763 3080

  • Finn oss på Facebook

    Brun Undredal

    Kvit Undredal

    Sognakvitost

    Vellagra Kvit Undredal vart i januar kåra til Årets Ost i konkurransen Det Norske måltid. Osten er laga av fersk, rå mjølk frå våre eigne geiter. Den er lagra i ca 8 månader. Me tykkjer det er gjevt å bli så høgt verdsett av kokkar og kundar.